കുളിച്ച് ഇന്നലെ പായ്ക്ക് ചെയ്തു വച്ച ബാഗും എടുത്ത് പുറത്തിറങ്ങി...രണ്ടു ദിവസമായി തകര്‍പ്പന്‍ പണി ആയിരുന്നു... ബ്ലോഗ് അവിടെത്തന്നെ ഉണ്ടോന്നു പോലും നോക്കാന്‍ ഒത്തില്ല. ഇന്നേതായാലും നേരത്തെ തന്നെ മുങ്ങി നാട്ടിലേക്ക് പോകും... ഉച്ചത്തെ ട്രെയിനിന്... നാട്ടില്‍ ചെന്ന ശേഷം ചെയ്യേണ്ട മുടി വെട്ടിക്കല്‍ മുതല്‍ തിരിച്ചു വരാന്‍ ടിക്കറ്റ് എടുക്കുന്നത് വരെ ഉള്ള ഓരോ കാര്യങ്ങള്‍ മനസ്സിലിട്ടു കറക്കി...
ഇന്നു വഴിയരികിലെ അമ്പലത്തില്‍ വേറെ ഏതോ കീര്‍ത്തനമാണ്... തമിഴായത് കൊണ്ട് ആലോചിച്ചു കഷ്ടപ്പെടേണ്ട കാര്യവും ഇല്ല... അത് ദൂരെയെങ്ങോ പോയി പ്രതിധ്വനിച്ച് എന്‍റെ വലത്തേ ചെവിട്ടില്‍ എത്തുന്നു... ആകാശം രണ്ടു ഭാഗങ്ങളായി കിടക്കുന്നു... ഒരു കടപ്പുറം പോലെ തോന്നി...ഒരു ഭാഗം നല്ല നീല... മറ്റേ ഭാഗം മേഘങ്ങളുടെ കൂട്ടം....
No comments:
Post a Comment